19 juillet 2007

بالعربي

هاذي أول مرة نكتب بالعربي فل مدونة متاعي, أول مرة خاطر صعيب باش نستعمل ألكلافيي بل عربي. حاصيلو, موش هاذا مشكلنا ليوم, اما المشكلة بل حق هي هل الحالة الق… عفوا, الحالة الكلبة الي ولات علاها لعباد في بلادنا, عباد فريمون عايشا او برمييي دجري, في مخهم كان السهريات و الشراب الى غير ذالك. انا واحد مناس منيش كونتر السهريات ول خرجات, بل عكس.. اما اشي الي نشوف فيه و نسمع فيه كل يرم كسرلي راسي و خرجني من مخي.. بالاهي قولولي يا جماعا, ياخي البواتات و السهريات ولاات فيارتي الواحد يحكي بيها؟ انا مانكذبش عليكم فيبالي الواحد كي يخرج يسهر ,يخرج باش يتفرهد و يديفولي هكا ول لا؟ فما بارشا عباد اون لوكورنس يقولولي اي و انتي شدخلك فيهم, خليه يحكي ولا يقعد… انا بصراحة مانجمش نقعد بحذا واحد ساعتين و هو يحكيلي عل بواتا ولا عل بنات الي سهر معاهم البارح و لا قداش من نومرو دبر و برشا حاجات اخرى ما تصلح لشي. ولا فما عباد ربي يهديهم كي شوف جماعة راكبين في كرهبة دكابوتابل, تورس نو, البيرا حاشا البلاصة في اديهم, بنات معاهم و الخ... يقلك هاي لعباد العايشة... والله لا فهمت كيفاش يخمو. باهي يا سيدي هاذوما لي جون, حتى الكبار ماعندك ما تقول فيهم راهو. تلقاه راجل كبير فالاقهوة الكلام الزايد ما نحكي لكمش, ولا تلقاه لكلو ريحتو بالشراب و يبدا يعمل فالمشاكل, ما فهمتش كيفاش عايشين, ايروح مالخدمة و يمشي لالقهوة و خلي مرتو فدار وحدها... باهي يا سيدي ما قلناش عاونها, تي عالاقل اقعد بحذاها احكيو ولا اخرجو مبعضكم, تي مرتك الزح. باللهي يا جماعة فما برشا عباد باش يقولو شييه هاذا لاهي بالعباد نحب نقوللهم الي انا فديت مالعكس, ياخي الصحيح ولا غالط و الغالط ولا صحيح, علاش الدنيا ولات تمشي بالمقلوب, علاش لعباد ولات تشوف الحاجة الخايبة و تنسا الحاجات الباهية, علاش العباد تبغض بعضها علا ابسط حاجة, علاش يحسبو, علاش ديما خايفين و ما يعطيكش الجنب, علاش كي يبدا الواحد باهي معاهم يعملو معاه الي ما يتعملش, علاش ديما يسكرو فيها و ما يخليولكش حتى الفرصة باش تحلم, علاش ديما يحبو يعطلوك, علاش ما يعطيوكش فرصتك, علاش ما يعطيوكش فرصة اخرى, علاش مايهمهمش فيك, علاش الدنيا ردوها ماصطة للدرجة هاذي, علاش كي نمشي للبوصطة لعشية يقولي ماعندكش الحق باش تبعث الدوسييات توا قال شنوا خاطر ماخذيتش التنابر من عندهم, حتى كي قتلو راهو اخر اجل ما حبش يسمعني, فما شكون يقول يحبو عالرشوة, صحيح, اما و الله لا يراوها ولاد الكلب. بالله مادامني متذكر, لبارح نحكي انا و واحد صاحبي على الدوسييات الي عملناهم باش نكملو cycle ingenieur قتلو باش تكلم شكون يتدخلك قلي كان نلقا بالطبيعة و قلي le système fonctionne ainsi ياخي انا الحق قتلو كلما خايبة عالسيستام الي يحكي عليه و قتلو qu’il n’est pas obligé de suivre le système ياخي كي قولولك هاذية حاجة خايبة وانتي حياتك كاملة تقول هاذي باهية, تبدل رايك فيسع, قتلو هكاكة باش تاخذ بلاصة واحد كان يستحقها و سي صاحبي مازال يحكيلي عالسيستام... مانيش جايبها اخلاق و قيم و مبادئ اما انا واحد من ناس je défend l’égalité des chances حاصيلو... فديت من هالعباد و الكذب متاعهم و التلوعيب و التفكير متاعهم الي قاعد يوخر بينا لتالي و الافلام و الاوهام الي يعيشو فيها, ما عادش تنجم تعمل علا حتى حد مادامك موش كيفهم ولا تخمم عكسهم, الي يقعد فالاخر هي عايلتك qui ne te laissera jamais tombé هاذكا علاش نحب نولي autonome ما نستحق لحد غير عايلتي اما انا نعرف الي العبد الي يحكي توا ماينجمش يعملها الحكاية هاذي على خاطرو بطبيعتو يحب لعباد... شنوا باش يعمل يا رب باش يهبل...

12 commentaires:

Z Y E D a dit…

tu poses beaucoup de questions, des questions que je me pose aussi, je crains que ce n est pas moi qui puisse te repondre...

pour ce qui est de ton concours je suis passe par la moi aussi ya deux ans
c pas pour te demoraliser mais etant parmi les premiers de mon institut mes candidatures etaient refuses 6 mois plus tard j ai appris que un "camarade" qui avait refait un semestre et rate son PFE est inscrit ds une ecole d ing
si tu as les moyens envisage de t inscrire ds une ecole privee je pourrai t en recommender une sinon si tu y tiens vraiment paye toi tes propres etudes en travaillant
si tu ve je te dirai comment faire sans pour autant payer une tune ;)

wounded_spirit a dit…

@zyed: Des questions qui resteront surement sans reponse. Pour les dossiers... J'en sais rien, on verra

Erana a dit…
Ce commentaire a été supprimé par l'auteur.
Erana a dit…

mon cher ami!!!
bienvenu dans ce monde! j'ai ete a qq soirees et je suis restee bouche bee face a ce qui se passe et a ce que je voyais!!
Quand au systeme, ce n'est pas moi quoi viendrait te dire qu'il est pourri, tu l'as constate toi mm!! si tu n'es pas pistonne, tu n'arriveras nulle part et j'en sais qq chose!!
mais il faut pas ceder, il faut resister et nchallah ca ira!!
bon courage a toi!!

wounded_spirit a dit…

Ce n'est pas que je ne suis pas pistonné mais c'est mon choix. Je sais que ça ira un jour ou un autre... Thank you lovely erana!

samih a dit…

wassa3 belek ya weldi, hedhika eddenya men bekri (enfin, mouch men bekri barcha, mais relativement..)
non, sérieusement.. "le système" comme certains aiment l'appeler est pourri, mais ce qui est grave c'est que ça empire.. Quand j'étais gosse, le mot "aktef" n'existait pas! aujourd'hui, va en parler à un gamin de 5 ans, il saura te répondre :)
La solution viendra ou bien par une volonté collective de l'ensemble de la société (ce qui est plus qu'utopique) soit par des "réformes" ya3ni awemer men fou9.. ce qui ne risque pas de se passer pour le moment..

wounded_spirit a dit…

Ce qu'il faut faire... ça me fait rire. yelzem la3bed t7ell 3iniha w t7awel bech t5amem le strict minimum, ce n'est pas si sorcier. Entre nous, je pense que ça ne va pas arriver, malheureusement pour moi, enfin, pour eux... Ti 7assilou

peu importe a dit…

wallahi ton article farra7ni Mr wounded spirit(biensure sur le plan personnel):
l'we7ed y9oul 7amdellah mazzel dépassée..
et l'7amdellah ma3annech minnou echay hédha là ou j'habite..
Ama 3la 7keyet l'aktef w tkanbiss..tawa ça y est..c'est inclu même fi l'éducation des enfants..
mane9ess ken ya3mlou matière ismha "kambess..9bal ma yfoutek l'foutt"..
eh oui,comme elle a dit:
ibtacem..innaha touness!

LOBO a dit…

I have to admit that I don't understand a word of this post. But on another note I would like to say that this is one of the most beautiful looking languages :)

wounded_spirit a dit…

@LOBO: for sure it is!

gogogo27 a dit…

for visiting. Good luck !

Anonyme a dit…

أنا أتساءل الآن ما اذا كنا نستطيع الحديث عن الإحصاءات المواقع -- حجم البحث ، الخ ، وأنا أحاول أن المواقع التي يمكن من خلال شراء adspace -- واسمحوا لي ان اعرف ما اذا كنا نستطيع الحديث عن التسعير وغيرها. هتاف لم أنت تقوم بعمل عظيم على الرغم من.